Panorama.am-ի խմբագրի պատասխանը ԱԺ-ում լրագրողների իրավունքների մասին քննարկմանը – Պանորամա

Բաց մի թողեք
- Advertisement -

Panorama.am-ի խմբագրի պատասխանը ԱԺ-ում լրագրողների իրավունքների մասին քննարկմանը – Պանորամա f612c99630f63c 612c99630f67c  Panorama.am-ի խմբագրի պատասխանը ԱԺ-ում լրագրողների իրավունքների մասին քննարկմանը – Պանորամա f612c99630f63c 612c99630f67c

ՀՀ ԱԺ Մարդու իրավունքների պաշտպանության և Հանրային հարցերի մշտական հանձնաժողովի նախագահ Թագուհի Թովմասյանի նախաձեռնությամբ նախաձեռնվել է քննարկում՝ ԱԺ-ում հավատարմագրված լրագրողների ազատ տեղաշարժի սահմանափակման և կարգի վերաբերյալ:

Ներկայացնում ենք Panorama.am լրատվական կայքի գլխավոր խմբագիր Անահիտ Ոսկանյանի նամակը՝ ՀՀ ԱԺ Մարդու իրավունքների պաշտպանության և Հանրային հարցերի մշտական հանձնաժողովի նախագահ Թ.Թովմասյանին.

«Panorama.am-ը կրեց լրագրողների ազատ տեղաշարժը անօրինականորեն արգելելու առաջին հարվածը, պայքարեց, պատրաստվեց դատական գործընթացի։ Պայքարին, շնորհակալություն, միացան ԱԺ ընդդիմադիրները։ Թույլ տրվեց մի լուսանկարչի մուտքը ԱԺ, ու շտապ ընդունվեցին նոր սահմանափակումներ։

Եթերների ժամանակ շատ լավ երևում է, թե ինչպես են ուժայինները՝ դաշտային համազգեստներով, իրենց համար ամեն «ոչ ցանկալի» պարագայում հրելով, վիրավորելով դուրս հրում լրագրողներին իրենց աշխատավայրից, ինչը առանց այն էլ առանձնացված է ապակիով։

Այսինքն՝ հարցն ամենևին աշխատանքային անվտանգային միջավայրը  չէ, այլապես նույնպիսի միջավայր պիտի ապահովվեր նաև լրագրողների համար։  Հարցը հասցված է խոսքի սահմանափակմանը։  Այս ամենը ցույց է տալիս, որ ԱԺ իշխանական մեծամասնությունը ԱԺ նիստերի լուսաբանումը խառնում է խուժանների փողոցային խժդժությունների հետ, ընդ որում՝ միտումնավոր։    

Այսպիսով՝ ԱԺ-ում լրատվամիջոցների ազատ տեղաշարժի սահմանափակման ու կանոնների հետ կապված՝ ԱԺ-ն ի վերջո ինքն է որոշում՝ ուզում է թափանցիկ կառույց լինել՝ որպես ՀՀ քաղաքացիների ընտրած և թափանցիկությամբ ժողովրդին հաշվետու,  թե ուզում է լինել «փակ հաստատություն»։ Եթե կառավարությունը ներկայանում է ԱԺ  անվտանգության մեծաթիվ աշխատակիցներով՝ վախենալով կամ խուսափելով ինչ-ինչ վտանգներից, լրագրողները չեն կարող կառավարության վախը բռնել, կամ երաշխավորել անվտանգություն՝ դա իրենց գործառույթը չէ։   Եթե ԱԺ մեծամասնությունը, որպես օրենսդիր իշխանություն, ուզում է հրահանգավորել չորրորդ իշխանությանը՝ ապա դա ժողովրդավարության հերթական պարտությունն է, որ պիտի ընդամենը ամրագրել։ 

Եթե ԱԺ-ն ուզում է իր ծանրակշիռ լինելը ցուցադրել լրագրողներին ճնշելով՝ դա առնվազն տգիտություն է։ 

Եթե ԱԺ-ն ուզում է իմաստուն երևալ ամեն անգամ ծեծկռտուքը դարձնելով «ընդմիջում» ու լրագրողներին դուրս հրելով իրենց աշխատավայրից, դա առնվազն ավելորդ է, քանի որ տասնյակ հեռախոսներ ֆիքսում ու ուղիղ եթեր են տալիս այդ ամոթալի «ընդմիջումները» ու ընդամենը լրատուն է փոխվում՝ լրագրողների փոխարեն երեսփոխաններ։ 

Այս փուլում, երբ ԱԺ-ն ինքը չի կողմնորոշվում՝ ով է ինքը՝ օրենսդիր մարմին, որ կոչված է օրենքներով ու իր գործունեությամբ պաշտպանելու յուրաքանչյուր ՀՀ քաղաքացու և բոլորին՝ միաժամանակ, թե ընդամենը սեփական սիվիներն ու ճաշակները ամբիոնից ներկայացնող խումբ, ես, որպես լրատվամիջոցի խմբագիր, չեմ կարող ու չեմ ուզում նման մարդկանց առջև դնել իմ մասնագիտական իրավունքը որոշելու պատիվը, որովհետև, ցավոք սրտի, ցանկացած՝ ամենաազնիվ, ամենաօրինական, ամենաիրաչափ հարց բերվում է ընդամենը մեծամասնության ցանկությանը»։ 

- Advertisement -
- Advertisement -
Վերջին լուրերը

Ադրբեջանը գերիների հստակ թիվ չի տրամադրում, նպատակն է՝ ռազմագերիներին իրավական պաշտպանությունից դուրս պահելը. Սահակյան – Պանորամա

«Ադրբեջանը թաքցնում է հայկական կողմից ռազմագերիների իրական թիվը: Կեղծիքները  բացահայտվում են ժամանակի ընթացքում»,- Ադրբեջանում գտնվող հայկական կողմի գերիների իրավունքների...

Կարդացեք նաև