Ուղարկվել է գրություն, որ ԲԿ-ները մնան իրենց պայմանագրային գումարների շրջանակներում. Ավանեսյանը՝ պետպատվերի մասին

Բաց մի թողեք
- Advertisement -

Առողջապահության նախարար Անահիտ Ավանեսյանն անդրադարձավ պետպատվերի ոլորտում առաջացած խնդիրներին, մասնավորապես, մամուլում տեղ գտած հրապարակումներին, ըստ որոնց հիվանդանոցները որոշ հիվանդների պետպատվերով չեն սպասարկում։

Կառավարության նիստից հետո լրագրողների հետ զրույցում Ավանեսյանը նշեց, որ բոլոր բժշկական կազմակերպություններն էլ տարվա սկզբին կնքում են շրջանակային պայմանագրեր, և հստակ ձևակերպվում է, թե տվյալ բժշկական կազմակերպությունն ինչ ծավալի պետպատվեր պետք է իրականացնի։

«Եվ, իհարկե, բժշկական կազմակերպությունները պետք է փորձեն ամեն ինչ անել՝ մնալու այդ շրջանակային պայմանագրային գումարների մեջ, որովհետև մենք բոլորս հասկանում ենք, որ բյուջեն սահմանափակ է, և մենք պետք է հստակ ունենանք կանխատեսում և դիսցիպլին՝ բյուջետային միջոցներն իրականացնելու։ Տարվա կեսին, այո, ուղարկվել է գրություն, որ բժշկական կազմակերպությունները մնան իրենց պայմանագրային գումարների շրջանակներում և դիմելիության հոսքից կախված՝ սպասարկեն ըստ հերթագրման սկզբունքի»,- ասաց նա։

Նա նշեց, որ նկատվում է հիվանդների դիմելիության ու հիվանդացության աճ։ «Սա պայմանավորված է ինչպես COVID-ով, այնպես էլ հետպատերազմական իրավիճակով։ Եվ մենք բոլոր միջոցները ձեռնարկում ենք, որ այն ուղղությունների, ծառայությունների, ծրագրերի գծով, որոնք իսկապես հիմնավորված ունեն դիմելիության աճ, պետությունն իր պարտավորությունը քաղաքացիների առջև ինչպես այս տարիների ընթացքում կատարել է, այնպես էլ շարունակի կատարել»,- հավելեց Ավանեսյանը։

Ըստ նրա՝ առողջապահության ծախսային հատվածը պետք է շարունակաբար ավելացնել և ի վերջո գնալ համապարփակ առողջապահության ապահովագրության ճանապարհով։

- Advertisement -
- Advertisement -
Վերջին լուրերը

Ադրբեջանը գերիների հստակ թիվ չի տրամադրում, նպատակն է՝ ռազմագերիներին իրավական պաշտպանությունից դուրս պահելը. Սահակյան – Պանորամա

«Ադրբեջանը թաքցնում է հայկական կողմից ռազմագերիների իրական թիվը: Կեղծիքները  բացահայտվում են ժամանակի ընթացքում»,- Ադրբեջանում գտնվող հայկական կողմի գերիների իրավունքների...

Կարդացեք նաև